पार्किन्सन्स मित्रमंडळ - आशेचा किरण

                                           पार्किन्सन्स मित्रमंडळ -  आशेचा किरण
                    पार्किन्सन्स मित्रमंडळ हा शुभंकर ( केअर टेकर ) आणि शुभार्थी ( पेशंट )यांनी एकत्र येऊन तयर केलेला स्वमदत गट आहे.तो मोफत चालवला जातो.पार्किन्सन्सचे निदान झाले की हा  आजार  बरा  न होणारा आणि वाढत जाणारा आजार आहे असे सांगितले जाते. या आजाराची कंप,मंद् झालेल्या हालचाली स्नायूंची ताठरता इत्यादी लक्षणामुळे रोजच्या  जगण्याची गुणवत्ता कमी होते.पेशंट आणि कुटुंबीय हताश होतात.यांना मदतीचा हात द्यायला.पार्किन्सन्स मित्रमंडळ स्वमदत गट पुढे येतो.सध्या पुण्यातील २८० आणि परगावचे ९० असे ३७० शुभार्थी मित्रमंडळाचे सभासद आहेत.पार्किन्सन्ससह आनंदाने जगूया हे मंडळाचे ब्रीदवाक्य आहे.याची स्थापना केलेले स्वत: पेशंट असलेले मधुसूदन शेंडे आणि ज्यांची पत्नी पेशंट होती ते शरच्चंद्र पटवर्धन यांनी स्वत:च्या जगण्याने ते सिद्ध केलेले आहे.त्यानुसार मंडळाची उद्दिष्ट्ये ठरली.
                                 उद्दिष्टे आणि पूर्तता
          पार्किन्सनन्सविषयी भ्रामक समजुती दूर करून यथार्थ ज्ञान देणे गरजेचे आहे.यासाठी मित्रमंडळाच्या कामाची माहिती पोचविणे गरजेचे आहे.,वृत्तपत्रे,नियतकालिके,इंटरनेट यांचा वापर केला जातो.

• पार्किन्सन्स साक्षरता - . लिखित साहित्य,प्रसारमाध्यमे,तज्ज्ञांची व्याख्याने,वेबसाईट,ब्लॉग,फेसबुकपेज आणि कम्युनिटी,whats app group,युट्युब चानल,घरभेटी,फोनवरून संवाद   इ,चा वापर केला जातो.याशिवाय,मराठीतून २ पुस्तके,एक इबुक,१२ स्मरणिका प्रकाशित केल्या आहेत.                                                               
• पार्किन्सन्सच्या स्वीकारासाठी पार्किन्सन्सशी सामना करण्यासाठी शुभार्थी व शुभंकराना सहकार्य केले जाते..
• अनुभवाच्या देवाणघेवाणीसाठी व्यासपीठ पुरविले जाते.
• सकारात्मक दृष्टिकोन निर्माण करण्यास आत्मविश्वास वाढविण्यास  मदत केली जाते.
• शुभार्थीच्या जीवनशैलीचा स्तर उंचावण्यासाठी शारीरिक,मानसिक.सामाजिक कार्यप्रवणता वाढविण्यास विविध उपक्रमाद्वारे प्रयत्न केले जातात.यात सहली, खेळ,ब्रेनजीम, जागतिक पार्किन्सनन्स दिनाच्या निमित्ताने शुभार्थींच्या कलाकृतीचे प्रदर्शन,फिजिओथेरपि कार्यशाळा,नृत्योपचार  इत्यादींचा वापर केला जातो.  या भरीव कार्यामुळे
• एप्रिल २०१३ - अमेरिकन पार्कीन्सन्स असोशिएशन कडून श्री व सौ.शेंडे याना पार्किन्सन्सविषयक कामगिरीसाठी गौरव करणारे प्रमाणपत्र  प्रदान  करण्यात आले. 
•   करोना काळातही काम थांबले नाही.ऑन लाइन मिटिंग चालू झाल्या.नृत्योपाचारही ऑन लाइन चालू राहिला.                                                                                             
•  २०१४ मध्ये मुक्तांगण मार्फत दिला जाणारा 'अनिता अवचट संघर्ष सन्मान पुरस्कार 'मिळाला     संस्था नुकतीच रजिस्टर झाली आहे.८० G अंतर्गत आयकर सवलतीस पात्र आहे.अनेक भविष्यकालीन योजना आहेत.   
•         ( लोकसत्ता साठी पाठविलेला मजकूर.)