मेळावा २०२३ - कलाकृती
' पार्किन्सनसह आनंदाने जगूया' हे मंडळाचे ब्रीदवाक्य आहे.असे आनंदी राहणे सहज सोपे नाही पण अशक्यही नाही.शुभार्थीच्या कलाकृती या आनंदाच्या अभिव्यक्ती आहेत.आनंदाचाही रियाज हवा त्यासाठी कला हे महत्वाचे मध्यम आहे हे अनुभवांनी मी सांगू शकते.
कलाकृतीत पेंटीगचे प्रमाण जास्त आहे.सांगलीच्या गीता पुरंदरे रोज Whatsapp वर पुष्परचना टाकतात. पेंटींगमध्येही त्यांचा हात कोणी धरू शकत नाही.मधुबनी,वारली,स्टेनगलास अशी भरपूर विविधता त्यात आहे आनंद देणे, आनंद लुटणे त्या प्रतिदिन करतात.त्यांनी ४५ कलाकृती इदं न मम म्हणत मंडळाला दिल्या.पती पत्नी दोघे शुभार्थी आहेत.आवर्जून सांगलीहून आले आहेत.
डॉ.प्रकाश जावडेकर यानी निद्रानाशावर उत्तर म्हणून कलेचे बोट धरले त्यांच्या शेकड्यांनी कलाकृतीपैकी काही येथे ठेवलेत.फेसबुकवर सर्व पाहता येतील.काही बक्षीसपात्र आहेत.
भूषणा भिसेने ऑफ पिरिएड मध्ये कुंचला हातात धरला आणि पीडिला ठेंगा दाखवत चमत्कार केला.कोणी काही उत्तम काम केले की त्या आपल्या कलाकृती भेट देतात.
२२ वर्षे पीडी असलेल्या गोपाळ तीर्थळी यांनी वारली पेंटींग ठेवली आहेत.कलामग्न असताना पीडी थांबलेला मी प्रत्यक्ष पाहिला आहे.
अशोक कुर्तकोटी यांनी स्केचेस ठेवली आहेत.
नारायण जोगळेकर येऊ शकणार नाहीत पण डंजोनी माझ्याकडे पेंटिंग आली.
शैला भागवत यांनी बाटल्या पेंटिंग केल्या आहेत.शिवाय वारली आर्टचे कोस्टर केले आहेत.
गीता पुरंदरे आणि शैला भागवत यांच्या कृती विक्रीसाठी उपलब्ध आहेत.त्यातून येणारे पैसे त्या मंडळाला देणार आहेत.
डीबीएस सर्जरी झालेल्या ज्योती पाटणकर या सातत्याने विविध कलाकृती करतात.ज्या पाठवणे शक्य आहे अशा मण्यांच्या कलाकृती त्यांनी नागपूरहून कुरिअरने विहीणबाई स्मिता नेर्लेकर कडे पाठवल्या आहेत.आणि उत्साही विहीणबाई त्या घेऊन हजर आहेत.
अमेरिकेला गेल्याने गैरहजर असलेल्या सुनील कर्वे यांच्या ज्ञानेश्वरीच्या हस्तलिखिताने मात्र हजेरी लावली आहे.ट्रेकर राजीव कराळेही नेपाळला गेलेत जाताना फोटो रेवणकर यांच्याकडे देऊन गेले.त्यांचे हजारो उत्तम फोटो Instagram वर आहेत.अरुण सुर्वेही ट्रेकर आहेत त्यांचेही फोटो आहेत.थरथरणार्या हाताना थांबवण्याची जादू या दोघांच्याही फोटोग्राफमध्ये आहेत.
सर्व ठिकाणी सहभाग घेणार्या शुभदा गिजरे यांनी विणकाम आणि ग्रीटिंग ठेवली आहेत.
किरण सरदेशपांडे यांची क्रिएटीविटी अफलातून आहे त्यांनी पाठ खाजवण्यासाठी खरारा,जाकीटचे डिझाईन,आणि क्राफ्ट मध्ये बैलजोडी ठेवली आहे.सीमा कळके यांनी क्राफ्टचे विविध नमुने ठेवले आहेत.
या प्रदर्शनात आवळा सुपारी आणि भरल्या मिरच्या अशा रेसिपी आहेत. आणि त्या ठेवलेल्या आहेत एका पुरुषांनी उमेश सलगर यांनी.
विविध भाषा आणि कोश वाड्मय कर्ते मुंबई विद्यापीठाकडून डी.लिट.मिळवलेले डॉ,अविनाश बिनीवाले
यांनी पीडी झाल्यावरही सहा पुस्तके लिहिली यात अनेक भाषात भाषांतरित झालेली मदिला कादंबरी आहे.
काहीनी ऐनवेळी कलाकृती आणल्या असतील.
आपण सर्वांनी हे प्रदर्शन पाहून शुभार्थीच्या आनंदात भर घालावी ही नम्र विनंती.
