पुस्तक प्रकाशन

                                                       पुस्तक प्रकाशन
                         शुभार्थी डॉक्टर प्रकाश जावडेकर यांच्या' डॉक्टर होणे एक आव्हान ' या पुस्तकाचे ३० सप्टेंबरला प्रकाशन झाले.Continental प्रकाशन सारख्या प्रतिथयश, जुन्या जाणत्या प्रकाशन संस्थेने ते प्रकाशीत केले.प्रकाशन समारंभास डॉक्टर मोहन आगाशे अध्यक्ष होते. प्लास्टिकसर्जन रवीन थत्ते,अर्थोपेडीक सर्जन नंदू लाड हे जावडेकरांचे शिक्षक  मुम्बईहून आले होते.या सर्वांची भाषणे सुटसुटीत,नेमकी वैद्यकीय सध्य परिस्थितीवर आणि डॉक्टर पेशंट यांच्यातल्या संबंधावर भाष्य करणारी होती.जावडेकरांचे मनोगत पुस्तक निर्मितीची पार्श्वभूमी सांगणारे होते.पत्नीच्या आग्रहातून गप्पांना लेखनाचे स्वरूप आले.त्या समीक्षकही बनल्या.याचा  त्यांनी आवर्जून उल्लेख केला.जावडेकरांचे इंदापूरचे वर्गमित्र त्यांचा सत्कार करायला प्रेमाने आले होते.हा तसा कौटुंबिक सोहळा होता.आणखी एक पुस्तक लिहित असल्याची घोषणाही त्यांनी केली.
                         विशेष म्हणजे दीड दोन तासाच्या या कार्यक्रमात जावडेकरांचा पार्किन्सन्स अदृश्यच होता.नंतर पुस्तकावर सह्या घेण्यासाठी लोक गोळा झाले.इतक्या सगळ्या सह्या करतानाही कंपाद्वारे आपले अस्तित्व दाखविण्यास पार्किन्सन्स बहुधा विसरला.
                         डॉक्टर जावडेकर तुमचे मनापासून अभिनंदन.इतर शुभार्थीसाठी तुम्ही प्रेरणा स्थान आहात.पुढील पुस्तकासाठी शुभेच्छा.